BASES DEL CONCURSU DE FOTOGRAFÍA
II Xornaes de patrimoniu históricu industrial d'Asturies. Habitando'l patrimoniu, rehabilitando la memoria.
Los ayuntamientos de Castrillón, Llangréu, Llaviana, Mieres, Uviéu y Xixón, en collaboración cola Universidá d'Uviéu, convoquen la primer edición del concursu de fotografía sobre patrimoniu industrial de los sos conceyos, destináu a cualquier tipu participante, col envís d'esparder y poner en valir el patrimoniu industrial d'estos conceyos.
EL CONCURSU VA MANDASE POLES BASES QUE SIGUEN
PARTICIPANTES
La participación ta abierta a toles persones con independencia de la edá y nacionalidá. Puen concursar fotógrafos/es profesionales o aficionaos/es.
TEMA
Les fotografíes a concursu han tar rellacionaes col hábitat obreru, viviendes obreras (históriques y actuales) y/o escenes de la vida cotidiana nestos llugares, circunscribiéndose a los conceyos convocantes. Entendiendo l'hábitat obreru industrial nun sentíu ampliu, sin importar el xéneru o la técnica.
OXETIVU
L'oxetivu d'esti concursu ye'l d'esparder, valorar y proyectar les imáxenes del patrimoniu industrial y l'hábitat obreru rellacionáu colo que nos tresmite la industria, la memoria del trabayu y del llugar, lo mesmo que'l patrimoniu inmaterial ya intanxible, dende un puntu vista multidisciplinar.
TAMAÑU, PRESENTACIÓN Y TÉCNICA
Han de presentase copies fotográfiques montaes en foam, con un tamañu mínimu de 20 cm. nel llau menor y máximu de 40 cm. nel llau mayor.
Al mesmu tiempu, tien d'entregase un CD colos archivos dixitales de les fotografíes, qu'han de tener les característiques que siguen: formatu tiff o jpg (cola compresión mínima ), mou RGB, 300 ppp, al mesmu tamañu que les copies.
Los trabayos tienen de ser orixinales ya inéditos. Cada autor/a va poder presentar un máximu de TRES fotografíes en blancu y negru o color, acompañaes d'un testu breve, de cinco llinies, qu'esplique cada obra. El testu tendrá que facer referencia al sitiu onde se sacó la semeya, de mou que se pueda verificar que correspuende a dalgún de los conceyos convocantes
Los orixinales que nun s'axusten a los requisitos propuestos nun van entrar en concursu.
Col envís de guardar la confidencialidá, los orixinales tienen de presentase con un títulu o lema xenéricu que va figurar nel esterior d'un sobre cerráu. Nel interior tien de ponese'l nome y apellíos del autor/a, les señes y teléfonu, corréu electrónicu, amás d'una fotocopia del DNI o pasaporte. Nes fotografíes impreses nun va poder apaecer nengún datu identificativu (nin lema, nin títulu de la obra, nin autoría).
El plazu d'admisión d'obres será ente los díes 6 de xunetu y les 14 h del 24 d'agostu de 2017.
PREMIOS
Primer premiu: 500 Euros
Segundu premiu: 300 Euros
Tercer premiu: 200 Euros
Accésit pa menores de 18 años: 150 Euros
INFORMACIÓN Y UNVIU D'OBRES
Van poder mandase per corréu postal o entregase en mano en cualquier de les señes que siguen:
Museo del Ferrocarril de Asturias, Plaza Estación del Norte s/n, 33212 Xixón.
Indicar nel sobre:
Concursu Fotografía II Xornaes de Patrimoniu Históricu Industrial d'Asturies. Habitando'l patrimoniu, rehabilitando la memoria.
.DRECHOS DE PROPIEDÁ INTELECTUAL
Los y les participantes nel concursu autoricen a la organización al espardimientu y exhibición de los trabayos demientres la celebración de les xornaes. Les persones ganadores del concursu autoricen a la organización a la distribución, exhibición, comunicación pública, divulgación y reproducción de los proyectos ganadores al traviés de los medios que considere amañosos.
Les obres non premiaes van poder recoyese en mano nel mesmu sitiu al que se mandaron. Entre el 2 d'ochobre del 2017 al 2 de Payares de 2017. N'horariu de de 9 a 14 h.
XURÁU
El xuráu tará presidíu pol vicerrector d'Estensión Universitaria y Internacionalización de la Universidá d'Uviéu o persona en quien delegue, y contará con profesionales de la fotografía, historiadores y personalidaes del mundu la cultura. El fallu va facese públicu ante los medios de comunicación el 10 de setiembre de 2017.
La entrega premios va tener llugar el 28 de setiembre a les 19h. nel Edificiu Históricu de la Universidá d'Uviéu.
El fallu'l xuráu va ser inapelable y va reservase'l drechu d'interpretar les presentes bases en casu dulda.
El xuráu va poder decidir dexar ermu dalgún premiu.
La participación nel certame implica aceptar dafechu les presentes bases.
