II Xornaes de Patrimoniu Históricu Industrial

Cartel Xornaes
 
 
Creemos de suma importancia concienciar a la ciudadanía del valir de la herencia del nuestru pasáu industrial y de les posibilidaes d'ameyoramientu socio-económicu qu'implica pa la población la so conservación y re-utilización. Buscamos con esta iniciativa, sumar fuerces y nunca nun competir o actuar a espaldes ente conceyos vecinos, conceyos con necesidaes y realidaes comunes y tamién con diferencies arriquecedores. Frutu de la collaboración ente los seis conceyos, la Universidá d'Uviéu, el Gobiernu del Principáu d'Asturies y l'AFOHSA (Archivu de Fuentes Orales pa la Historia Social d'Asturies), surdió esti proyectu, nel que tratemos d'incorporar les diferentes sensibilidaes na materia dende una perspectiva multidisciplinar. D'igual forma, tamién tratemos facer apueste por un proyectu abiertu a la collaboración con munches instituciones y asociaciones interesaes na materia. Xuntemos pa esta ocasión: 16 rutes per espacios de patrimoniu industrial, 4 conferencies y 5 meses redondes, un concursu fotografía, otru de redacción infantil y una esposición itinerante sobre vivienda obrero. A lo llargo de les Xornaes tamién vamos recoyer testimonios orales rellacionaos col nuestru patrimoniu industrial inmaterial. Somos conscientes de que ye un pasu pequeñu, queden munches entidaes y conceyos que desearíemos sumar al proyectu cara al futuru. Esta iniciativa tien voluntá de continuidá pa los años próximos, con actividaes ya investigaciones nueves asina como cola reflexón conxunta.
Creemos que'l llabor de valorar, preservar y dar utilidá al patrimoniu industrial pide, de forma inescusable, el concursu de les alministraciones públiques, investigaciones académiques, participación ciudadana y opinión pública. Por eso, l'espíritu de les xornaes oriéntase a romper pa coles barreres qu'avecen a aisllar ya incomunicar a estos axentes.