TALLERES PA NEÑOS Y NEÑES


Titulu: "Maneres de vivir"  ciclu de 6 talleres pa neños y neñes.
Ónde: Llangréu, Castrillon, Llaviana , Mieres, Uviéu y Xixón
Duración: 90 minutos per sesión
GRUPOS: 20 asistentes


MANERES de VIVIR ye una canción del grupu de rock Leño y tamién nos paeció un titulu bien esplícitu y amañosu pa esti ciclu talleres diseñaos de manera especifica pa les II Xornaes Asturianes de Patrimoniu Industrial.

Como diz Rosendo esplicando'l porqué d'esta frase, " prestábanos sentinos diferentes". Esta rebeldía recueye tamién el carácter d'esta esperiencia didáctica onde, al traviés del Arte, con una metodoloxía abierta de xuegu y orientada p'analizar y reflexonar cola práctica artística sobre l'habitar pasáu, presente y, por qué non, futuru.

Coles Xornaes va establecese una relación directa nos talleres dependiendo de la programación y del llugar onde se desenvuelven: Llangréu, Castrillon, Llaviana, Mieres, Uviéu y Xixon. Pa esta coordinación se necesita contar cola organización de les  Xornaes.

MANERES DE VIVIR ye un proyectu didácticu especificu sobre'l tema xeneral plantiáu nesta edición LA VIVIENDA INDUSTRIAL Y LOS ESPACIOS DE RESIDENCIA con una serie talleres de creación, onde con diferentes planteamientos y metodoloxía creativa, vamos utilizar diferentes tecniques que nos permitan reflexonar plásticamente sobre'l nuestru pasáu, reforzar la nuestra memoria, comprender l'agora y la nuestra rodiada y tamién interpretar, crear y diseñar .

La esperiencia va ser eminentemente práctica con una introducción teórica y técnica sobre l'actividá. Va potenciase'l desarrollu individual y el carácter colectivu con trabayos personales que conformen una instalación colectiva final.

Los talleres puen plantiase colos mesmos oxetivos pero diferentes metodos, grupos, edaes, y tamién cola realización d'un pequeñu mural cerámicu final .

Una serie talleres específicos con un carácter flexible que pue adaptase tamién al presupuestu y que se plantea abiertu a una adaptación por parte de les Xornaes p'atender a un interés que favoreza'l buen funcionamientu de l'actividá.

Preséntense 6 sesiones diferentes, pa un ciclu de talleres únicos o escoyer un numberu menor y realizar dos o delles sesiones de la mesma esperiencia.


Xueves 8 de xunu, Uviéu. 19:00 h

Colexu Oficial d'Arquitectos d'Asturies, c/ Marqués de Gastañaga, 3

CAMINOS NEL CIELU. Taller de  DISEÑU , FOTOMONTAXE YA ILUSTRACIÓN
SOBRE LA HISTORIA DE LA VIVIENDA MINERA.

edá: A partir de 7 años hasta 12 años
Grupu máximu: 20

Cómo actuar nel patrimoniu industrial arquitectónicu. A vez que la conferencia a cargu de Diana Sánchez Mustiles (Dra. Arquitecta, fundadora del blog Patrimonio Industrial Arquitectónico).

La necesidá de les compañíes mineres de mano d'obra xeneró a lo llargo la historia diferentes tipos y subtipos de viviendes: el cuartel, las barraques, los poblaos ... y, como nun puede ser d'otra manera modificaron y crearon un paisaxe nuevu. Pero ¿Qué ye un paisaxe ?¿ Cómo ye'l nuestru? ¿Esisten los paisaxes imaxinarios ? Un puntu en común: la centralidá y proximidá al centru de producción, condiciona tamién la nuestra mirada, con protagonistes como : castilletes , chimenees ... pero la nuestra imaxinación pue cambialo too.

Búscase trabayar cola memoria al traviés d'imáxenes fotográfiques de la historia reciente y contemporánea, con imáxenes en blancu y negru / color pa, al traviés del dibuxu, el color y del fotomontaxe crear una realidá nueva. Faciendo rescamplar los elementos xeométricos y austeros propios de l'arquitectura. Confrontar la so rodiada col pasáu ya interpretalu plásticamente al traviés d'una técnica surrealista: el fotomontaxe.

 

Xueves 6 de xunetu, Llangréu,  19:00 h:
Casa la Cultura Escueles Dorado
C/Dorado, Sama

EL FUTURU YÁ TA EQUI. TALLER DE DIBUXU, DISEÑU,MURAL

Dempués d'una muestra d'imáxenes proyectaes, del antes y del momentu actual ya intervenciones actuales, plantéase un retu mui importante: ¿cómo va ser la vivienda industrial del futuru?, ¿si la industria ye tecnolóxica agora, la vivienda va selo tamién o va ser de lladriyu? Estes preguntes paez que tienen munches respuestes si nos atenemos al presente o a lo que tenemos delantre los güeyos.
Pero vamos facer una lista de pros y contres sobre les tipoloxíes arquitectóniques asociaes a la industria y dempués vamos diseñar la nuestra casa ideal pero,por qué nun la dibuxamos nun azulexu que recuerde los revestimientos antiguos tan peculiares y agradables. Van poder convertise nun mural cerámicu que va perdurar sobre dalgún espaciu de la ciudá.

Conflictos y consensos: habitando los espacios industriales
A la vez que la participación de Manuel Maurín (Xeógrafu, Universidá d'Uviéu), Natalia Tielve (Historiadora del Arte, Universidá d'Uviéu) y Jorge Muñiz (Historiador, Universidá d'Uviéu).


Xueves 27 de xunetu, Xixón, 19:00 h:
Muséu del Ferrocarril,
Plaza de la Estación s/n
¿PA ÓNDE VA ESTI TREN ?TALLER D'ILUSTRACION, CÓMIC, STORY BOARD

Vamos a ser un poco cotilles, pero nun pasa nada, la curiosidá ye importante pa conocer. Vamos crear el nuestru árbol xenealóxicu cola collaboración de padres, madres, tíos y demás familia, preguntándo-yos ónde nacieron, ónde viven, cuántos fíos y fíes tienen y tamién cómo recuerden los sos viaxes en tren y tolo que se nos pase pela cabeza. Nesti casu, vamos ser los cotilles d'un VAGÓN DE TREN, vamos siguilu mui de cerca.
El papel del ferrocarril na cuenca minera del Caudal y esperiencies comparaes
Demientres intervienen la Asociación Santa Bárbara, Javier Fernández (Director Muséu del Ferrocarril) y antiguos ferroviarios asturianos.

 

4.- Xueves 24 agostu, Castrillón 19:00 h
Valey, Centru Cultural de Castrillón,
Plaza Europa, 3, Piedrasblancas

ROMPIENDO MOLDES .
Taller d'ESCULTURA YA INSTALACION SOBRE LOS POBLAOS MINEROS.

Esta paternalista tipoloxía d'arquitectura Industrial Asturiano déxanos un grupu de notables exemplos y estos van ser la nuestra inspiración partiendo del dialogu y del so análisis pa representar d'una manera simbólica al traviés de volúmenes senciellos creaos con moldes. Del trabayu individual de modelar los volúmenes al trabayu colectivu: construir una gran instalación, que va ser una interpretación escultòrica y alegre d'esta manera de vivir.

 

5.- Xueves 14 de setiembre, Llaviana, 19:00 h. CIDAN Centru d'Innovación y Desarrollu del Alto Nalón, c/ Pco Joaquín Iglesias, La Pola Llaviana

QUE CUERRA L'AIRE ¡Taller de DIBUXU, CONSTRUCCION, COLLAGE

Ye un taller onde nos planteamos por qué les coses son como son o meyor les cases son como son. Esplicando d'una manera agradable la evolución de la vivienda d'una manera cronolóxica, comprendiendo la importancia de la renovación del aire nes viviendes, pero nosotros que somos un poco traviesos pensemos n'abrir toles ventanes de les nuestres cases de papel, seguro que'l movimientu y el color van crear una barraca mui simpática.

Un llugar en transición. De la fabricación d'aceru a negociu inmobiliariu: los espacios siderúrxicos de Falck - Sesto San Giovanni (Norte de Milán)
A cargu de Roberta Garruccio (Historiadora, Università degli studi di Milano).

 

6.- Vienres 22 de setiembre, Mieres,
Casa la Cultura Teodoro Cuesta,
c/ Manuel Llaneza 8

A VECES, LAS CASAS TIENEN MALA CARA. Taller d'ILUSTRACIÓN, DISEÑU Y GRÁFICA REIVINDICATIVA .

Ónde se vio una manifestación de cases, pues nesti  taller, onde les cases van ser una proyección de nosotros/es mesmos/es y reivindiquen los sos drechos, ¿sabes cuáles son? Seguro que nesti taller va quedate claro.

Pero nun podemos quedanos paraos/es, tenemos que dicir qué queremos y vamos facelo diseñando  pancartes onde mostrar los drechos de les cases.

Con ilustraciones, testos, rótulos ,colores vamos crear les nuestres pancartes pa manifestanos pacíficamente dempués.

Habitando'l barriu, re-descubriendo la so historia de llucha: les rutes autoxestionaes pel Barri del Clot-Camp, Barcelona
A cargu del Grupu Rutes llibertaries, Clot-Camp, Barcelona.